രംഗം5:
കോറിഡോർ
11:30
ടീച്ചർ1എന്താ സാറേ ഇങ്ങനെ നടക്കുന്നേ,ക്ലാസ്സ് ഇല്ലേ?
ടീച്ചർ2:ഇല്ല:ഇപ്പം ഫ്രീയാ.
ടീച്ചർ1:രാവിലത്തെ പിരീഡും ഫ്രീയായിരുന്നോ?
ടീച്ചർ2:അതെ.എന്റെ പിള്ളേര് പോയെ പിന്നെ എനിക്കങ്ങനെ ക്ലാസ്സില്ല.
ടീച്ചർ1:ആ cs കാരാണോ?
ടീച്ചർ2:അതുതന്നെ.
ടീച്ചർ1:അവന്മാരും സാറുമായിട്ട് നല്ല കമ്പനി ആയിരുന്നല്ലേ?
ടീച്ചർ2:പറയാനുണ്ടോ..
ടീച്ചർ1:അതാ സാറിനിത്ര വിഷമം.
ടീച്ചർ2:അത് മാത്രോ, ഒരുത്തന്റെ തന്തക്ക് വിളിച്ച കാലം മറന്നു….
ടീച്ചർ1:ഹ ഹ…
ടീച്ചർ2:ചിരിക്കാൻ പറഞ്ഞതല്ല.അവരുടെ ക്ലാസ്സ് ഒരു ഹരമായിരുന്നു..അവിടെച്ചെന്നാൽ ക്ലാസ്സെടുക്കാൻ തോന്നില്ല;എന്തേലും കൊച്ചുവർത്തമാനം പറഞ്ഞൊണ്ടിരിക്കും.. ആണും പെണ്ണും ഒക്കെ ഭങ്കര ഓളമായിരുന്നു.വേറാരെങ്കിലും എന്തെങ്കിലും പറഞ്ഞാൽ
ചാടി കടിച്ചോണ്ടിരുന്നവന്മാരാ, പക്ഷെ ഞാൻ തന്തക്ക് വിളിച്ചാലും അവന്മാരൊന്നും പറയില്ലായിരുന്നു.അത്ര സ്നേഹമായിരുന്നു..
ടീച്ചർ1:അത് സാറിനെ പേടിച്ചിട്ടായിരിക്കും.
ടീച്ചർ:അവന്മാർക്കിവിടത്തെ തലതൊട്ടപ്പന്മാരെ പേടിയില്ലായിരുന്നു,പിന്നെയാ എന്നെ പേടിക്കുന്നത്…
ടീച്ചർ1:അവര് പോയേല് വിഷമമുള്ളത് നമ്മള് കുറച്ചുപേർക്ക് മാത്രമാ..
ടീച്ചർ2:ആ ലാബിലോട്ടൊക്കെ ചെന്ന് നോക്കിയാൽ കേൾക്കാം കുറ്റം പറയുന്നത്..
ടീച്ചർ1:എനിക്കെന്തായലും അവരെകൊണ്ട് ഉപകാരമായിരുന്നു.
ടീച്ചർ2:നീ അവന്മാരുടെ കൂടെ ടൂർ പോയതല്ലേ?
ടീച്ചർ1:രണ്ട് മൂന്ന് തവണ പോയിട്ടുണ്ട്. അവരുടെ ബാച്ച് മൊത്തം നല്ല കമ്പനിയായിരുന്നു. കളീടെ കാര്യത്തിലും അവന്മാര് കൊള്ളാമായിരുന്നു. ഒരു രണ്ട് മൂന്ന് പേരുണ്ടായിരുന്നു,എന്നും ബാറ്റും ബോളും ചോദിച്ചോണ്ട് വരും.ഇനിയിപ്പം ആരെങ്കിലും വന്നാലായി…
ടീച്ചർ2:ഒന്നാ മുടി നീട്ടിയവനല്ലേ? അവൻ നമ്മുടെ പയ്യനായിരുന്നു…അവന് കളിക്കാനൊക്കെ അറിയാമായിരുന്നോ?
ടീച്ചർ1:എവിടന്ന്,ചുമ്മാ ബാറ്റും ചോദിച്ചോണ്ട് വരുന്നതാ.. മറ്റവന്മാര് രണ്ടുപേരും കളിക്കും.
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
തുടരും……